სამხრეთ-დასავლეთ ისლანდიაში ვულკანი ამოიფრქვა. ამის შესახებ განცხადებას ისლანდიის მეტეოროლოგიური სამსახური ავრცელებს.

„დღეს დილის 5:30 საათზე სილინგარფელის ჩრდილო-აღმოსავლეთით ინტენსიური მცირე მიწისძვრა დაიწყო. დაახლოებით, 30 წუთის შემდეგ, იმავე რაიონში ვულკანმა დაიწყო ამოფრქვევა“, - ნათქვამია ისლანდიის მეტეოროლოგიური სამსახურის განცხადებაში.

გავრცელებულ ვიდეო კადრებში ჩანს, თუ როგორ ამოდის ლავა კლდის ნაპრალებიდან.

ცნობისთვის, სამხრეთ-დასავლეთ ისლანდიაში ვულკანი წელს მეორედ, ხოლო რეიკიანესის ნახევარკუნძულზე 2021 წლის შემდეგ მეექვსედ ამოიფრქვა.