ავდიივკას საქალაქო სამხედრო ადმინისტრაციის ხელმძღვანელი - რუსები ავდიივკას დიდი ძალებით უტევენ

რუსები ავდიივკას დიდი ძალებით უტევენ, - ამის შესახებ ავდიივკას საქალაქო სამხედრო ადმინისტრაციის ხელმძღვანელმა, ვიტალი ბარაბაშმა განაცხადა.

„სამწუხაროდ, მტერი ზეწოლას ყველა მხრიდან ახორციელებს. არ არსებობს ჩვენი ქალაქის არც ერთი ნაწილი, რომელიც მეტ-ნაკლებად მშვიდია. ისინი შეტევას დიდი ძალებით ახორციელებენ“, - განაცხადა ვიტალი ბარაბაშმა.

ბარაბაშმა აღნიშნა, რომ რუსები შეტევებს საჰაერო დარტყმების, არტილერიისა და ქვეითების გამოყენებით ახორციელებენ, რადგან რუსული ტანკები და ჯავშანტექნიკა რბილ ნიადაგზე ვერ გადაადგილდება.

„ზოგიერთი მიმართულებით სიტუაცია უბრალოდ დაუჯერებელია“, - აღნიშნა ვიტალი ბარაბაშმა.