პრემიერ-მინისტრობის კანდიდატის, ირაკლი კობახიძის ინფორმაციით, გრძელვადიანი სადამკვირვებლო მისიის საქართველოში გამოგზავნის თაობაზე ეუთო/ოდირში მოწვევა უახლოეს დღეებში გაიგზავნება.

ამის შესახებ მან პლენარულ სხდომაზე განაცხადა.

„რა თქმა უნდა, ძალიან დიდი ყურადღება დაეთმობა არჩევნების გამართულად, დემოკრატიული სტანდარტების შესაბამისად ჩატარებას. უახლოეს დღეებში, ეუთო/ოდირში გაიგზავნება მოწვევა იმისთვის, რომ მათი გრძელვადიანი სადამკვირვებლო მისია საქართველოში ჩამოვიდეს. აბსოლუტურად ღია ვიქნებით თანამშრომლობისთვის და ყველაფერი გაკეთდება იმისთვის, რომ ყველა დემოკრატიული პრინციპი, სტანდარტი იყოს დაცული“,- განაცხადა კობახიძემ.