GITA -სა და Partisia Blockchain- ს შორის ურთიერთთანამშრომლობის მემორანდუმი გაფორმდა

საქართველოს ინოვაციების და ტექნოლოგიების სააგენტოსა და Partisia Blockchain- ს შორის ურთიერთთანამშრომლობის მემორანდუმი გაფორმდა. ინოვაციების და ტექნოლოგიების სააგენტოს ინფორმაციით, ორმხრივი შეთანხმების მთავარი მიზანია, საქართველოში მრავალმხრივი გამოთვლითი (MPC) და ბლოკჩეინის ტექნოლოგიების გამოყენებით, ინოვაციების ხელშეწყობა.

„მემორანდუმის ფარგლებში, GITA და Partisia Blockchain მჭიდრო თანამშრომლობას იწყებენ, რაც, ერთის მხრივ, გულისხმობს Partisia Blockchain-ის აქტიურ ჩართვასა და მონაწილეობას ქართულ ბლოკჩეინსა და Web3 ეკოსისტემაში, მეორეს მხრივ კი, Partisia Blockchain თავის რესურსებს გაუზიარებს GITA-ს პროგრამების ფარგლებში აღნიშნული სფეროთი დაინტერესებულ პირებს, საჭიროებისამებრ გრანტებისა და ტექნიკური მხარდაჭერის გაწევის გზით.

Partisia Blockchain აქტიურად ჩაერთვება GITA-ს საგანმანათლებლო პროგრამებშიც და მნიშვნელოვან როლს შეასრულებს მონაწილეთა ცნობიერებისა და ცოდნის ამაღლებაში ბლოქჩეინ ტექნოლოგიების მიმართულებით.

ნაყოფიერი თანამშრომლობის მიზნით, GITA ასევე იქნება შუამავალი Partisia Blockchain-სა და სხვადასხვა დაინტერესებულ მხარეს შორის, როგორც საქართველოს საჯარო და კერძო სექტორებთან, ისე აკადემიურ წრეებთან. დაიგეგმება blockchain/Web3.0-ის რეგიონული ერთობლივი ღონისძიებები.

Partisia Blockchain-ი კონფიდენციალურობის დაცვის, ურთიერთთანამშრომლობისა და მდგრადი ბლოკჩეინის გადაწყვეტილებების ლიდერია, რომელიც უზრუნველყოფს ანგარიშვალდებულ, გამჭვირვალე და დეცენტრალიზებულ მმართველობას“, - ნათქვამია ინფორმაციაში.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ