ვფიქრობ, რომ ღაზის სექტორში რეაგირება გადაჭარბებულია, - ამის შესახებ აშშ-ის პრეზიდენტმა, ჯო ბაიდენმა განაცხადა.

მან ასევე გამოთქვა ოპტიმიზმი, რომ მძევლების გათავისუფლებასა და ბრძოლის ხანგრძლივ პაუზასთან დაკავშირებულმა შეთანხმებამ, რომლის მიღწევაზეც ამჟამად შუამავლობა მიმდინარეობს, საბოლოოდ, შეიძლება, ომის უფრო მდგრადი ცვლილება გამოიწვიოს.

მისი თქმით, ცდილობს, მიაღწიოს შეთანხმებას, რომ ღაზის სექტორმა ჰუმანიტარული დახმარება მიიღოს.

„ძალიან ძლიერად ვცდილობ მივაღწიო, რომ ღაზის სექტორმა ჰუმანიტარული დახმარება მიიღოს. ბევრი უდანაშაულო ადამიანი შიმშილობს. ბევრი უდანაშაულო ადამიანი უბედურებაშია და კვდება და ეს უნდა შეჩერდეს“, - აღნიშნა ბაიდენმა.