GeorgiAI - მასშტაბური ციფრული საინფორმაციო ფონდია, რომელიც სხვადასხვა სფეროს შესახებ მეგამონაცემებს აერთიანებს და ხელოვნური ინტელექტის მეშვეობით ამუშავებს. GeorgiAI განთავსებულია GPTstore-ზე. GPTstore გახ­ლავთ OpenAI-ის GPT Builder, რაც მნიშ­ვნე­ლო­ვა­ნი სი­ახ­ლეა გლო­ბა­ლუ­რი ტექ­ნო­ლო­გი­უ­რი სფე­როს­თვის.

საინფორმაციო ფონდის პრეზენტაცია ბიზნესისა და ტექნოლოგიების უნივერსიტეტში გაიმართა.

GeorgiAI გახლავთ ბიზნესისა და ტექნოლოგიების უნივერსიტეტის პროექტი, რომელიც „პალიტრა ჰოლდინგთან“ პარტნიორობით შეიქმნა და მოიცავს როგორც მოცულობით, გაციფრულებულ საარქივო მასალას, ისე მიმდინარე ინფორმაციას საქართველოს და მსოფლიოს შესახებ. ის აგენერირებს ინფორმაციას გადამოწმებული, სანდო წყაროებიდან, მათ შორის: ოფიციალური დოკუმენტებიდან, დეტალური მიმოხილვებიდან საქართველოს ეკონომიკის, პოლიტიკის, ბიზნესის, განათლების, კულტურის და სხვა სფეროების შესახებ.

ამ დროისთვის მილიონობით ტექსტური მასალა, ინიციატივის განმახორციელებლების მიერ უკვე განთავსებულია GPTstore-ზე. ქართულენოვანი მასალა, ფონდში ეტაპობრივად განთავსდება.

ციფრული საინფორმაციო ფონდის გამოყენება მნიშვნელოვანწილად ამარტივებს მომხმარებლის გამოცდილებას, შექმნილია საქართველოს შესახებ სანდო და გადამოწმებული ინფორმაციის სწრაფად მოძიებისთვის, ეტაპობრივად ივსება მოცულობითი საარქივო მასალებით, რომლის ციფრული ვერსია ამ დრომდე ინტერნეტსივრცეში არ მოიპოვება, არის საიმედო და მოცულობითი რესურსების ერთიანობა. GeorgiAI ქვეყნის ყველაზე მასშტაბური, ერთიანი ციფრული საინფორმაციო ფონდია, რომელიც საქართველოში მიმდინარე მოვლენების, ეკონომიკური მაჩვენებლების, ისტორიული ფაქტების თუ სხვა საკითხების გარშემო სანდო ინფორმაციას აგენერირებს და დაინტერესებული მხარეებისთვის ფართოდ ხელმისაწვდომს ხდის. ხელოვნურ ინტელექტზე დაფუძნებული ციფრული ბაზა აერთიანებს როგორც მიმდინარე, ისე საარქივო მასალას.

(R)