რუსთავში, ე.წ. სტამბოლის ბაზარში სროლის დროს დაჭრილი მამაკაცის მდგომარეობა კვლავ მძიმეა

რუსთავში, ე.წ. სტამბოლის ბაზარში სროლის დროს დაჭრილი 26 წლის მამაკაცის მდგომარეობა კვლავ მძიმეა, კლინიკა „რუსთავში“ მას ოპერაცია ჩაუტარდა.

როგორც „ინტერპრესნიუსს“ კლინიკაში განუცხადეს, პაციენტის მდგომარეობა კვლავ მძიმედ ფასდება, მას ოპერაცია ჩაუტარდა და რეანიმაციულ განყოფილებაში მართვით სუნთქვაზე იმყოფება.

მამაკაცს დაზიანებები სხეულის სხვადასხვა მიდამოებში, საფანტით ჰქონდა მიყენებული.

პაციენტის მდგომარეობა მძიმედ არის შეფასებული. მას მცირე ზომის ჭრილობები აღენიშნებოდა გულ-მკერდზე, სახეზე, მუცლის არეში, ბარძაყის წინა ზედაპირზე და მარჯვენა ზემო კიდურზე. რუსთავში, ე.წ. სტამბოლის ბაზარზე სროლის შედეგად გუშინ 4 ადამიანი გარდაიცვალა, ერთი კი დაიჭრა.

ბრალდებული გიორგი ორველაშვილი სამართალდამცავებმა ადგილზე დააკავეს.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის