აშშ უკრაინის მხარდაჭერას დონალდ ტრამპის პრეზიდენტად გახდომის შემთხვევაშიც გააგრძელებს, - ამის შესახებ უმაღლესი რადას „ხალხის მსახურის“ ფრაქციის ხელმძღვანელმა, დავით არახამიამ განაცხადა.

„აშშ-ში სისტემები, დეპარტამენტები და სამსახურები მოქმედებენ, რომლებიც ბალანსს ინარჩუნებენ. არ ვფიქრობ, რომ დონალდ ტრამპის დროს რაიმე შეიცვლება, თუმცა მცირე რისკები არსებობს“, - განაცხადა დავით არახამიამ.

მისი თქმით, თუ დონალდ ტრამპი პრეზიდენტი გახდება, იგი უკრაინის მიმართ აშშ-ის ამჟამინდელ სამართლიან პოლიტიკას გააგრძელებს.

არახამიამ აღნიშნა, რომ ამერიკელთა უმრავლესობა უკრაინას აგრესიის მსხვერპლად მიიჩნევს და მისთვის დახმარების აღმოჩენის მომხრეა.

„თუმცა, ყველაზე მნიშვნელოვანი, რაც დღეს გვარწმუნებს არის ის, რომ ჩვენ აშშ-ის კონგრესში ორპარტიული მხარდაჭერა გვაქვს. უკრაინას მხარს რესპუბლიკელებიც უჭერენ და დემოკრატებიც. ეს ჩვენთვის ყველაზე მნიშვნელოვანია. ისინი პოლიტიკოსები არიან, რომლებიც თავიანთ ამომრჩევლებს უსმენენ“, - აღნიშნა დავით არახამიამ.