მედია - ემანუელ მაკრონმა უკრაინაში ვიზიტი გადადო

საფრანგეთის პრეზიდენტმა ემანუელ მაკრონმა უკრაინაში ვიზიტი, რომელიც 13-14 თებერვლისთვის იყო დაგეგმილი, მოულოდნელად გადადო, - ინფორმაციას ფრანგული გამოცემა Challenges-ი ელისეის სასახლის განცხადებაზე დაყრდნობით ავრცელებს.

საფრანგეთის ხელისუფლებაში აცხადებენ, რომ მოგზაურობის არჩეული თარიღი არ იყო საბოლოო და მათ გადაწყვიტეს მისი შეცვლა, რათა მეტი დრო დაეთმოთ მაკრონის უსაფრთხოების უზრუნველყოფისთვის.

Challenges-ის ინფორმაციით, ვიზიტის ახალი თარიღი ჯერ დადგენილი არ არის.

გამოცემა წერს, რომ ერთ-ერთი შესაძლო თარიღი შეიძლება იყოს 24 თებერვალი - უკრაინის წინააღმდეგ რუსეთის სრულმასშტაბიანი ომის დაწყების მეორე წლისთავი, მაგრამ ამ დღეს პარიზში ყოველწლიური საერთაშორისო სასოფლო-სამეურნეო ღონისძიება იწყება, რომელმაც განსაკუთრებული მნიშვნელობა შეიძინა ფერმერების, მათ შორის ფრანგი ფერმერების, პროტესტის ფონზე. აქედან გამომდინარე, შესაძლებელია, რომ მაკრონის უკრაინაში ვიზიტი არც 24 თებერვალს განხორციელდეს.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!