ევროპაში ჩემზე უფრო მეტად პრო-უკრაინელი პოლიტიკოსის პოვნა ძნელია, - ამის შესახებ პოლონეთის პრემიერ-მინისტრმა, დონალდ ტუსკმა განაცხადა.

ამასთან, მისი თქმით, უნდა გვახსოვდეს სასურსათო უსაფრთხოების ინტერესები.

„ევროპაში ჩემზე უფრო მეტად პრო-უკრაინელი პოლიტიკოსის პოვნა და უფრო მეტად პრო-უკრაინელი ერის პოვნა, ვიდრე პოლონეთია, ძნელია, მაგრამ პოლონეთისა და ევროპის სასურსათო უსაფრთხოების ინტერესები უნდა გვახსოვდეს“, - განაცხადა დონალდ ტუსკმა.

პარიზში, ემანუელ მაკრონთან ერთად გამართულ პრესკონფერენციაზე, პოლონეთის პრემიერმა აღნიშნა, რომ მზადაა საფრანგეთის პრეზიდენტთან პოლონელი და ფრანგი ფერმერების უსაფრთხოების შესახებ ისაუბროს.

შეგახსენებთ, გასულ პარასკევს, პოლონელმა ფერმერებმა საპროტესტო აქციები დაიწყეს, რომელიც სავარაუდოდ, 30 დღე გაგრძელდება. „დოროგუსკის“ საგუშაგოსთან მომიტინგეებმა უკრაინული სატვირთო მანქანებიდან, რომლებმაც საზღვარი გადაკვეთეს, მარცვლეულის ნაწილი მიმოფანტეს.