უკრაინაში, დაბომბვის გამო, ერთ-ერთი თბოელექტროსადგური დაზიანდა და მუშაობა შეწყვიტა

რუსული ძალების მიერ წუხელ განხორციელებული დაბომბვის შედეგად კერძო ენერგეტიკული კომპანია DTEK-ის ერთ-ერთი თბოელექტროსადგური დაზიანდა, - ინფორმაციას უკრაინული მედია ავრცელებს.

„მტერი უკრაინაში, სამოქალაქო და ენერგეტიკულ ობიექტებზე სისტემატურ ტერორისტულ თავდასხმებს აგრძელებს. 12-13 თებერვლის ღამეს დაბომბვის შედეგად DTEK-ის ერთ-ერთი თბოელექტროსადგური დაზიანდა“, - აცხადებენ კომპანიაში.

წინასწარი ინფორმაციით, არავინ დაღუპულა, ან დაშავებულა.

DTEK-ში აცხადებენ, რომ თავდასხმის შედეგად კომპანიის აღჭურვილობა სერიოზულად დაზიანდა და სადგურმა ელექტროენერგიის წარმოება შეწყვიტა.

კომპანიაში განმარტავენ, რომ დაბომბვის შეწყვეტის შემდეგ ენერგეტიკოსებმა დაიწყეს შედეგების აღმოფხვრა და აღჭურვილობის მუშაობის აღდგენა.

v-if="article.gallery" v-html="article.gallery"

თემა:ომი უკრაინაში