საფრანგეთმა ისრაელსა და ლიბანს შორის სამშვიდობო შეთანხმების გეგმა წარადგინა

საფრანგეთმა ბეირუთს წარუდგინა წერილობითი წინადადება, რომელიც მიზნად ისახავს ისრაელთან საომარი მოქმედებების დასრულებას და ლიბან-ისრაელის სადავო საზღვრის საკითხზე შეთანხმების მიღწევას.

ინფორმაციას Reuters-ი ავრცელებს.

სააგენტო წერს, რომ დოკუმენტი ითვალისწინებს „ჰეზბოლას“ მებრძოლების გაყვანას საზღვრიდან 10 კილომეტრის რადიუსიდან.

სამეტაპიანი გეგმა ითვალისწინებს დეესკალაციის 10-დღიან პროცესს, რომელიც სასაზღვრო მოლაპარაკებებით დასრულდება.

ერთ-ერთმა ფრანგულმა დიპლომატიური წყარომ განაცხადა, რომ წინადადება წარედგინა ისრაელის, ლიბანისა და ჰეზბოლას მთავრობებს.

გეგმის მიზანია შეწყდეს ბრძოლა საზღვარზე ირანის მიერ მხარდაჭერილ „ჰეზბოლასა“ და ისრაელს შორის, რომელიც ღაზის ომის პარალელურად მიმდინარეობს და აძლიერებს შეშფოთებას ფართო, ყოვლისმომცველი დაპირისპირების დაწყების შესახებ.

საფრანგეთს ლიბანთან ისტორიული კავშირები აქვს. ქვეყანაში მისი 20 000 მოქალაქე ცხოვრობს და გაერო-ს სამშვიდობო ძალების შემადგენლობაში დაახლოებით, 800 ფრანგი ჯარისკაცი იმყოფება.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის