ჩინეთი ისრაელს რაფაჰში სამხედრო ოპერაციის სწრაფად დასრულებისკენ მოუწოდებს. „ჩინეთი რაფაჰში განვითარებულ მოვლენებს ყურადღებით ადევნებს თვალს, იგი ეწინააღმდეგება და გმობს ქმედებებს, რომელიც მშვიდობიან მოსახლეობას ზიანს აყენებს და საერთაშორისო სამართალს არღვევს“, - აცხადებს ჩინეთის საგარეო საქმეთა სამინისტრო.

„რაფაჰში უფრო სერიოზული ჰუმანიტარული კატასტროფის თავიდან აცილების მიზნით, ისრაელმა სამხედრო ოპერაცია რაც შეიძლება მალე უნდა შეწყვიტოს და უდანაშაულო სამოქალაქო მსხვერპლის თავიდან ასაცილებლად ყველა ღონე უნდა გამოიყენოს“, - აღნიშნავს ჩინეთის საგარეო საქმეთა სამინისტრო.

შეგახსენებთ, 12 თებერვალს, ისრაელის თავდაცვის ძალებმა განაცხადა, რომ რაფაჰში სპეცოპერაცია განახორციელა, რის შედეგადაც „ჰამასის“ ტყვეობიდან 2 მძევალი გაათავისუფლა.

„ჰამასის“ ცნობით, რაფაჰში ისრაელის საჰაერო დარტყმების შედეგად 100-ზე მეტი პალესტინელი დაიღუპა.