პარტია „ხალხისთვის“ მდივნის, ნოდარ მოსულიშვილის განცხადებით, მნიშვნელოვანი მოსახლეობა საქმის კურსში იყოს გადასახადებთან დაკავშირებით და ახსოვდეთ, რომ სახელმწიფო მოხელეებს საკუთარი ხელფასებიდან ქირაობენ.

როგორც მან აღნიშნა, საქართველოში მოქალაქეებმა არ იციან მათი ხელფასიდან და გადასახადებიდან სახელმწიფო ბიუჯეტში თანხის რა ნაწილი ირიცხება.

„ტრაგიკული შემთხვევების უკან არის სახელმწიფოს ორგანო, რომელსაც ჩვენ ვუხდით გადასახადს. ძალიან მნიშვნელოვანია ეს ხალხს ავუხსნათ. ამ სისტემას აუცილებლად შევცვლით, როდესაც ხელისუფლებაში მოვალ. ჩვენ რომ მოგვდის ხელფასის ფურცელი იქ არ წერია, რა სად ირიცხება, ძალიან ეშმაკურად არის გაკეთებული. დასავლეთში 1000 ევრო რომ გაქვს ხელფასი, წერია, რამდენი გადაიხადე გადასახადი, კონკრეტული ციფრი, შემდეგ წერია შენ რა დაგრჩა. ჩვენთან ეს არის გამოტოვებული. აქ ხელზე რომ იღებ 800 ლარს, ჩინოვნიკს, სახელმწიფო მოხელეს რომ ურიცხავ ეს ხალხმა არ იცის. არ იციან, რომ ისინი აფინანსებენ სოციალური სამსახურის ხელმძღვანელობას, რომლის პირდაპირი მოვალეობაა, ასეთი ტრაგედიების პრევენცია. როცა ადამიანს აქვს ფსიქიკური პრობლემები და ასეთ ვითარებამდე მიდის, აღმოაჩნდება უკანონო ცეცხლსასროლი იარაღი, ამ ყველაფრის თავიდან აცილების მოვალეობა აქვს სახელმწიფო სამსახურებს, რომელსაც ჩვენ ვქირაობთ“,- განაცხადა პარტია „ხალხისთვის“ მდივანმა ნოდარ მოსულიშვილმა, რომლის განცხადებასაც პარტიის პრესსამსახური ავრცელებს.