საქართველოს პრემიერ-მინისტრი ირაკლი კობახიძე და „ქართული ოცნების“ თავმჯდომარე ირაკლი ღარიბაშვილი მსახიობ სოსო ჯაჭვლიანის სამოქალაქო პანაშვიდზე იმყოფებოდნენ.

სოსო ჯაჭვლიანის ოჯახს მიუსამძიმრეს ასევე, როგორც პარლამენტის უმრავლესობის წევრებმა, ისე საპარლამენტო ოპოზიციის წარმომადგენლებმა. ქაშუეთის ტაძარში მივიდნენ მინისტრთა კაბინეტის წევრებიც.

პანაშვიდი ქაშვეთის ეკლესიაში მიმდინარეობს.

ცნობისთვის, სოსო ჯაჭვლიანი 65 წლის ასაკში გარდაიცვალა. ის მძიმე დაავადებას ებრძოდა.