ინდონეზიის საპრეზიდენტო არჩევნების პირველ ტურში თავდაცვის მინისტრმა, პრაბოვო სუბიანტომ თავი გამარჯვებულად გამოაცხადა.

ინდონეზიაში საარჩევნო უბნების დახურვის შემდეგ გამოქვეყნებული წინასწარი მონაცემების მიხედვით, ქვეყნის თავდაცვის მინისტრმა, პრაბოვო სუბიანტომ ხმების 59,77% დააგროვა.

არჩევნებში გამარჯვებისთვის, სუბიანტოს ამომრჩეველთა ხმების 50%-ზე მეტი და ქვეყნის 38 პროვინციის ნახევარზე მეტიდან ხმების მინიმუმ მეხუთედი სჭირდება.

შეგახსენებთ, ინდონეზიაში დღეს საყოველთაო არჩევნები გაიმართა. სუბიანტოს, რომელიც 1990-იან წლებში ინდონეზიის ყოფილი პრეზიდენტის, სუჰარტოს მთავარ ლეიტენანტად ითვლებოდა, კონკურენტები ყოფილი გუბერნატორები განჯარ პრანოვო და ანის ბასვედანი იყვნენ.