„რამშტაინის“ ფორმატის მე-19 შეხვედრა გაიხსნა. ამის შესახებ უკრაინის თავდაცვის მინისტრი რუსტემ უმეროვი “ტვიტერის” პირად გვერდზე წერს.

ეს უკრაინის თავდაცვის საკონტაქტო ჯგუფის (ე.წ. “რამშტაინის” ფორმატის) პირველი შეხვედრაა, რომელსაც უკრაინის თავდაცვის ძალების ახალი მთავარსარდალი ალექსანდრ სირსკი ესწრება. შეხვედრა ონლაინ ფორმატში მიმდინარეობს.

“მთავარსარდალ სირსკისთან და სამხედრო დაზვერვის მეთაურ ბუდანოვთან ერთად ველით, რომ პროდუქტიული შეხვედრა გვექნება.

ფოკუსირებას მოვახდენთ თავდაცვით წარმოებაზე, დრონებზე, და ტექნოლოგიებზე, ისევე როგორც გრძელვადიანი გამოწვევებისთვის მომზადებაზე და გადაუდებელი საჭიროებების გადაჭრაზე”,-წერს უმეროვი.