ლოიდ ოსტინი - უკრაინა არ დანებდება, არც ჩვენ დავნებდებით
უკრაინა არ დანებდება, არც ჩვენ დავნებდებით, - ამის შესახებ აშშ-ის თავდაცვის მდივანმა ლოიდ ოსტინმა „რამშტაინის“ ფორმატში მე-19 შეხვედრის გახსნისას განაცხადა.
“ამ უსამართლო და არაპროვოცირებული ომის დაწყებით პუტინი ფიქრობდა, რომ უკრაინა დაეცემოდა, მაგრამ ძალიან შეცდა. უკრაინამ გაუძლო ამ შემოჭრას წარმოუდგენელი სიმამაცითა და ფენომენალური უნარით”, - განაცხადა ოსტინმა.
თავდაცვის მდივანმა აღნიშნა, რომ რუსეთი პარტნიორების მხრიდან უკრაინის მხარდაჭერის შემცირებას ელის. ოსტინის თქმით, ამის ფონზე აშშ-ისა და კოალიციის სხვა წევრების მხარდაჭერა ურყევი რჩება, ვინაიდან ეს სწორია და თავად აშშ-ის უსაფრთხოების საბაზისო ინტერესებში შედის.
“ახლა უფრო დარწმუნებული ვარ, ვიდრე ოდესმე, - ვიცი, რომ თქვენ ასევე ხართ - ეს საკონტაქტო ჯგუფი სიმტკიცითაა სავსე და ურყევია. აშშ უკრაინასთან ერთად დარჩება, და უკრაინას დაუჭერს მხარს პუტინისტური იმპერიალისტური აგრესიის წინააღმდეგ ბრძოლაში…
უკრაინა არ დანებდება, არც ჩვენ დავნებდებით”, - განაცხადა ოსტინმა.
v-if="article.gallery" v-html="article.gallery"
