ხაზარაძე კომკავშირული ეპოქის წარმომადგენელია, ივანიშვილი ამ პერიოდში საქართველოში არ ცხოვრობდა, ­რუსეთში იშოვა ფული და საქართველოში არავისთვის არაფერი წაურთმევია, - ამის შესახებ ჟურნალისტებთან საპარლამენტო უმრავლესობის წევრმა ბექა დავითულიანმა განაცხადა.

მისი შეფასებით, "ლელოს" ხელისუფლებაში მოსვლის შანსი არ აქვს და ხაზარაძის განცხადებები სასაცილოა.

"ასეთი მონდომებით ითვლიდეს ადამიანი და პარტია კვირებს საკუთარ კრახამდე, ძალიან სასაცილო და გასაოცარია. "ლელოს" არავითარი შანსი არ აქვს ხელისუფლებაში მოსვლის, ამიტომ ხაზარაძის მიერ დაანონსებული ყველა რეპრესიული განვითარება მხოლოდ და მხოლოდ სიცილის და დაცინვის ობიექტად აქცევს საკუთარ თავს.

პაპუაშვილს ბანდიტი არ დაუძახია, ბანდიტური ეპოქის საქართველოს წარმომადგენელი უწოდა. ერთი კორექტივის შეტანა შეიძლება - კომკავშირული ეპოქის წარმომადგენელი არის ხაზარაძე. ივანიშვილი ამ პერიოდში საქართველოში არ ცხოვრობდა ამ პერიოდში, იქ (რუსეთში) იშოვა ფული და საქართველოში არავისთვის არაფერი წაურთმევია," - განაცხადა დავითულიანმა.