რუსლან აბაშიძემ აფხაზეთის №2 საჯარო სკოლის ინფრასტრუქტურა დაათვალიერა
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის განათლებისა და კულტურის მინისტრი ნანა გაბელიასთან, საქართველოს, განათლების, მეცნიერებისა და ახალგაზრდობის მინისტრის მოადგილე გელა გელაძესთან და პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძესთან ერთად აფხაზეთის №2 საჯარო სკოლაში იმყოფებოდა. ამის შესახებ ინფორმაციას აფახაზეთის მთავრობა ავრცელებს.
მთავრობის თავმჯდომარე სკოლის დირექტორსა და მასწავლებლებს შეხვდა, ინფრასტრუქტურა დაათვალიერა და სკოლაში არსებულ ვითარებას გაეცნო.
„შეხვედრაში აფხაზეთის №2 საჯარო სკოლის დირექტორი ქრისტინე ავალიანი, აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე ზვიად ბულისკერია და მინისტრის მოადგილე ნინო ლობჟანიძე მონაწილეობდნენ“,- ნათქვამია ინფორმაციაში.
