საქართველოს პარლამენტის კულტურის კომიტეტის თავმჯდომარე ელისო ბოლქვაძე და კომიტეტის წევრები ლატვიის რესპუბლიკის პარლამენტის (საეიმას) განათლების, კულტურისა და მეცნიერების კომიტეტის თავმჯდომარეს აგიტე ზარინა სტურეს და კომიტეტის წევრებს შეხვდნენ. ამის შესახებ ინფორმაციას პარლამენტის პრესსამსახური ავრცელებს.
შეხვედრაზე ყურადღება გამახვილდა სახელოვნებო განათლების რეფორმაზე და ამ მიმართულებით კომიტეტების თანამშრომლობაზე.
„ლატვიის სახელოვნებო განათლების მოდელი ძალიან წარმატებულია და საქართველოს პარლამენტი სახელოვნებო განათლების რეფორმის გატარებისას მას აუცილებლად გაითვალისწინებს", - განაცხადა ელისო ბოლქვაძემ.
შეხვედრას ასევე ესწრებოდა ლატვიის რესპუბლიკის საგანგებო და სრულუფლებიანი ელჩი საქართველოში ედიტე მედნე.