საქართველოს პრეზიდენტი სალომე ზურაბიშვილი, მიუნხენში, უსაფრთხოების კონფერენციის ფარგლებში, ამერიკელ სენატორებს ჯინ შაჰინსა და ტომ ტილისს შეხვდა.

ამის შესახებ სალომე ზურაბიშვილი სოციალურ ქსელ X-ში წერს.

როგორც ზურაბიშვილი აღნიშნავს, შეხვედრაზე შავი ზღვის უსაფრთხოების საკითხთან ერთად „ხაზი გაესვა რუსეთის საგანგაშოდ უკანონო გეგმებს ოკუპირებულ აფხაზეთში საზღვაო ბაზის შექმნის შესახებ“.

„მადლობა გადავუხადე სენატორ ჯინ შაჰინსა და სენატორ ტომ ტილისს აშშ-ს მტკიცე მხარდაჭერისთვის ევროკავშირსა და ნატო-ში ჩვენი ინტეგრაციის გზაზე. ასევე, განვიხილეთ შავი ზღვის უსაფრთხოების საკითხი და ხაზი გაესვა რუსეთის საგანგაშოდ უკანონო გეგმებს ოკუპირებულ აფხაზეთში საზღვაო ბაზის შექმნის შესახებ“, - წერს ზურაბიშვილი.