საქართველოს პრეზიდენტი სალომე ზურაბიშვილი მიუნხენში, უსაფრთხოების კონფერენციის ფარგლებში, აშშ-ის ევროპული სარდლობის გენერალ კრისტოფერ კავოლის შეხვდა.

ამის შესახებ სალომე ზურაბიშვილი სოციალურ ქსელ X-ში წერს.

„ნატო-ში ინტეგრაცია საქართველოსთვის ისეთივე მნიშვნელოვანია, როგორც ევროკავშირში ინტეგრაცია. დღეს გენერალ კრისტოფერ კავოლისთან განვიხილე საქართველოს ნატოში ინტეგრაციის გზა, წინსვლა და თანამშრომლობის შესაძლებლობები. ხაზი გაესვა შავი ზღვის უსაფრთხოების მნიშვნელობას უსაფრთხოების ახალ არქიტექტურაში“, - წერს ზურაბიშვილი.