ლიეტუვის საგარეო საქმეთა მინისტრი, გაბრიელიუს ლანდსბერგისი ევროპელ კოლეგებს მწვავედ აკრიტიკებს იმის გამო, რომ ვერ შეძლეს უკრაინისთვის საკმარისი საბრძოლო მასალის მიწოდება რუსეთის დასამარცხებლად.

„სასწაულია ის,რომ უკრაინა ამდენ ხანს უძლებს იმის გათვალისწინებით, რომ რუსეთს აქვს 6:1 უპირატესობა საბრძოლო მასალის თვალსაზრისით. ორი წელი გავატარეთ განხილვაში და იმის მცდელობაში, რომ გაგვერკვია, როგორ შეგვიძლია დავეხმაროთ უკრაინას ეტაპობრივად. სამწუხაროდ, რადგან ვერ ჩამოვყალიბდით სტრატეგიულ მიზნებზე, რის მიღწევასაც ვცდილობთ, ვერ განვაცხადებთ, რომ ჩვენი მიზანი გამარჯვებაა“, - განაცხადა ლანდსბერგისმა ბრიუსელში, საგარეო საქმეთა მინისტრების სამიტის დაწყებამდე.

მან ევროკავშირს მოუწოდა, შეწყვიტოს სამხედრო სახსრებთან დაკავშირებით ყოყმანი. ლანდსბერგისის თქმით, გერმანიამ, ამ დრომდე 17 მილიარდი ევროს წვლილის შეტანა მოახერხა, ევროპა კი წელიწადში 5 მილიარდი ევროს გამოყოფის შესახებ მსჯელობს.

„ევროპას უნდა შეეძლოს შექმნას 5 მილიარდი ევროს ფონდი, როცა, მოგეხსენებათ, მარტო გერმანია განიხილავს 7 მილიარდი ევროს გაგზავნას. ასე რომ, ევროპის 27 ქვეყნისთვის 5 მილიარდი ევრო უნდა იყოს ერთი დღის სამუშაო, ერთი საათის სამუშაო”, - აღნიშნა ლიეტუვის საგარეო უწყების ხელმძღვანელმა.

მისი თქმით, დასავლეთმა ვერ შეეძლო ჩამოეყალიბებინა მიზანი, რისი მიღწევაც სურს.