რადიკალური ჯგუფების მიმართ USAID-ის მხარდაჭერის შესახებ ნებისმიერი განცხადება უბრალოდ არასწორად დახასიათება და არასწორად გაგებაა. ამასთან დაკავშირებით გვქონდა კომუნიკაცია საქართველოს მთავრობასთან, - ამის შესახებ USAID-ის მისიის დირექტორმა საქართველოში, ჯონ პენელმა განაცხადა.

„USAID აქვს მტკიცე პარტნიორობა საქართველოს სამოქალაქო საზოგადოებასთან, საქართველოს მთავრობასთან და კერძო სექტორთან. ჩვენ ამ სამივე ელემენტთან ვთანამშრომლობთ ბოლო 30 წელია. რადიკალური ჯგუფების მიმართ USAID-ის მხარდაჭერის შესახებ ნებისმიერი განცხადება უბრალოდ არასწორად დახასიათება და არასწორად გაგებაა. ამასთან დაკავშირებით გვქონდა კომუნიკაცია საქართველოს მთავრობასთან. ჩვენს პარტნიორებთან ერთად გავაგრძელებთ მუშაობას ქვეყნის ევროინტეგრაციის მხარდაჭერისა და წინსვლისთვის“, - აღნიშნა ჯონ პენელმა.