ამერიკის შეერთებული შტატების ელჩი საქართველოს უნივერსიტეტს ესტუმრა

საქართველოს უნივერსიტეტში, აფრო-ამერიკული ისტორიის თვის აღნიშვნის ფარგლებში, აბოლიციონისტ ფრედერიკ დაგლასის ავტობიოგრაფიული წიგნის Narrative of the Life of Frederick Douglass, an American Slave. Written by Himself ქართულენოვანი თარგმანის „ამერიკელი მონის ფრედერიკ დაგლასის მონათხრობი საკუთარ ცხოვრებაზე“ პრეზენტაცია გაიმართა.

ამერიკის შეერთებულ შტატებსა და კანადაში თებერვლის თვე აღინიშნება როგორც აფრო-ამერიკული ისტორიის, იგივე შავი ისტორიის თვე (Black History Month). საქართველოს უნივერსიტეტში გამართულ ღონისძიებაზე, რომელსაც აშშ-ის საგანგებო და სრულუფლებიანი ელჩი საქართველოში რობინ ლ. დანიგანი ესწრებოდა, წიგნის „ამერიკელი მონის ფრედერიკ დაგლასის მონათხრობი საკუთარ ცხოვრებაზე“ პრეზენტაცია გაიმართა. აღსანიშნავია, რომ საქართველოს უნივერსიტეტის გამომცემლობამ მონაწილეობა მიიღო აშშ-ის საელჩოს წიგნის თარგმნის პროგრამის კონკურსში და მიიღო გრანტი, რომლის ფარგლებშის ითარგმნა და გამოიცა საქართველოს უნივერსიტეტის გამომცემლობის მიერ.

„ძალიან სასიამოვნოა რომ დღეს აქ ვიმყოფები. მნიშვნელოვანი ღონისძიება და თვეა ჩვენთვის, რადგან ეს არის შავკანიანთა ისტორიის თვე ამერიკაში, სადაც ჩვენ აღვნიშნავთ აფროამერიკელების წვლილს ჩვენს ისტორიასა და კულტურაში. ჩვენ ძალიან ვაფასებთ საქართველოს უნივერსიტეტის ინტერესს თანასწორობის საკითხებთან დაკავშირებით და გვახარებს თანამშრომლობა ფრედერიკ დაგლასის წიგნის თარგმანთან დაკავშირებით. ფრედერიკ დაგლასი, მართლაც სამაგალითო ისტორიაა ამერიკელი მონის თავისუფლებისკენ მოგზაურობის შესახებ, ამავდროულად ეს არის ისტორია ამერიკაში მონობის ტრაგედიისა და თანასწორობის ხელშეწყობის სწრაფვისკენ ჩვენს ქვეყანაში“-რობინ ლ. დანიგანი.

მოწვეულ სტუმრებს სიტყვით მიმართეს საქართველოს უნივერსიტეტის რექტორმა კონსტანტინე თოფურიამ და საქართველოს უნივერსიტეტის პრეზიდენტებმა გიული ალასანიამ და მანანა სანაძემ. სტუმრებს შორის იყვნენ პროფესორები, სტუდენტები, მათ შორის საქართველოს უნივერსიტეტის აფრო-ამერიკელი სტუდენტები და საჯარო და კერძო სკოლის მოსწავლეები.

(R)

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო