იერუსალიმსა და მაალე-ადუმიმს შორის მდებარე საგუშაგოსთან სროლის შედეგად 1 ადამიანი დაიღუპა
იერუსალიმსა და მაალე-ადუმიმს შორის მდებარე საგუშაგოსთან სროლის შედეგად 1 ადამიანი დაიღუპა, - ამის შესახებ ინფორმაციას ისრაელის „მაგენ დავიდ ადომის“ სასწრაფო სამედიცინო დახმარების სამსახური ავრცელებს.
„მაგენ დავიდ ადომის“ დირექტორის, ილაი ბინის ცნობით, აზ-ზაიემის საგუშაგოსთან სროლის შედეგად 8 ადამიანი დაიჭრა. მათგან ორი მძიმე მდგომარეობაშია.
ადგილობრივი პოლიცია აცხადებს, რომ თავდასხმა სამმა პალესტინელმა ტერორისტმა განახორციელა. სამივე მათგანი ლიკვიდირებულია.
