თურქეთის საგარეო საქმეთა მინისტრმა, ჰაკან ფიდანმა საერთაშორისო საზოგადოებას მოუწოდა, უფრო აქტიური როლი შეასრულოს ღაზაში ცეცხლის დაუყოვნებლივ შეწყვეტისა და კონფლიქტის ორი სახელმწიფოს პრინციპზე დაყრდნობით გადაწყვეტის მიმართულებით.

მედიის ინფორმაციით, ფიდანმა რიო-დე-ჟანეიროში, „დიდი ოცეულის“ საგარეო საქმეთა მინისტრების შეხვედრაზე განაცხადა, რომ ღაზაში ულმობლობა უნდა შეწყდეს და ამერიკელ და გერმანელ კოლეგებთან მოლაპარაკებების დროს ცეცხლის დაუყოვნებლივ შესაწყვეტად საჭირო ნაბიჯები განიხილა.

ამასთან, თურქეთის საგარეო საქმეთა მინისტრი ღაზაში ცეცხლის შეწყვეტის შესახებ გაერო-ს რეზოლუციაზე აშშ-ის მიერ ვეტოს კიდევ ერთხელ დადებას გამოეხმაურა. მისი თქმით, ის ფაქტი, რომ გაერო-ს უშიშროების საბჭომ ცეცხლის შეწყვეტის შესახებ რეზოლუცია ვერ დაამტკიცა, აჩვენებს, რომ რეფორმა აუცილებელია.