რელიგიის საკითხთა სახელმწიფო სააგენტოს ცნობით, დღეს შიიტი მუსლიმები იმამ მაჰდის დაბადების დღეს აღნიშნავენ.
„დღეს შიიტი მუსლიმები იმამ მაჰდის (მუჰამად იბნ ალ-ჰასან ალ-მაჰდი) დაბადების დღეს აღნიშნავენ. შიიტური მიმდინარეობის მიხედვით, იმამ მაჰდი წინასწარმეტყველ მუჰამედის უკანასკნელი მემკვიდრე და მე-12 იმამია.
შიიტები მას აიგივებენ მესიასთან (მაჰდი), რომელიც „სრულიად დაემალა სამყაროს" 941 წელს და უნდა გამოჩნდეს სამყაროს დასასრულის წინ“,-აღნიშნულია ინფორმაციაში.
