სს „ენერგო-პრო ჯორჯია“ პროფესიული სასწავლებლების სტუდენტებისთვის სტიპიენდიების გადახდას განაგრძობს
„ენერგო-პრო ჯორჯიას“ ცნობით, პროფესიული სასწავლებლების და კოლეჯების ელექტროობის მიმართულების 20 წარმატებულ სტუდენთან სს ,,ენერგო-პრო ჯორჯიამ“ ხელშეკრულება უკვე გააფორმა.
მათივე ცნობით, კომპანია მათ სწავლის პერიოდში სტიპენდიას გადაუხდის.
„ენერგო-პრო ჯორჯიას“ ცნობით, სწავლის დასრულების შემდეგ, ახალგზარდებს კომპანიაში ანაზღაურებადი სტაჟირების, ბოლოს კი დასაქმების შესაძლებლობა ექნებათ.
„გასაუბრების შემდეგ, სტიპენდიის დანიშვნას არ ველოდით, რადგან საკმაოდ დიდი კონკურენცია იყო. ვეცდებით ჩვენს პროფესიაში წარმატებებს მივაღწიოთ. სტიპენდია ძალიან დიდ მოტივაციას აძლევს ახალგაზრდას, რომ სწავლა გაიღრმავოს“ - ამბობენ ,,ბიზნესისა და ტექნოლოგიების აკადემიის“ ელექტროობის მიმართულების სტუდენტები ეკატერინე შველიძე და ნინო ბერიძე.
„ენერგო-პრო ჯორჯიაში“ ასევე აღნიშნავენ, რომ პროფესიას სქესი არ აქვს და ამიტომ მოუწოდებენ გოგონებს, აირჩიონ სინათლე, ჩააბარონ ელექტროობის პროგრამებზე. კომპანია კი მათ კარიერაზე ზრუნვას ჰპირდება.
