ისრაელის თავდაცვის ძალები - ღაზაში „ჰამასის“ რამდენიმე მებრძოლი და სამხედრო ობიექტები გავანადგურეთ

ისრაელის თავდაცვის ძალების ინფორმაციით, ღაზის სექტორში „ჰამასის“ სამეთაურო ცენტრსა და სარაკეტო გამშვებებს დაარტყეს.

თავდაცვის ძალებში აცხადებენ, რომ ღაზის სექტორში „ჰამასის“ ობიექტებს ისრაელის სამხრეთ ნაწილზე გუშინ დილით განხორციელებული სარაკეტო თავდასხმიდან რამდენიმე საათში დაარტყეს.

„ეს ადგილები მოიცავდა ბინას, რომელიც გამოიყენებოდა სამეთაურო ცენტრად სარაკეტო სროლის განსახორციელებლად და კიდევ ერთ ბინას, საიდანაც „ჰამასის“ შეიარაღებულმა პირებმა ცეცხლი გაუხსნეს ისრაელის ჯარებს“, - აცხადებენ ისრაელის თავდაცვის ძალებში.

ამასთან, ისრაელელი სამხედროები აგრძელებენ ფართომასშტაბიან ოპერაციას ღაზის სექტორის ქალაქ ზეიტუნის ტერიტორიაზე. ისრაელის თავდაცვის ძალების ცნობით, ზეიტუნში მოქმედმა ჯარებმა აღმოაჩინეს იარაღის საცავი, იარაღის მწარმოებელი ქარხანა, რაკეტების გამშვებები და დაუზუსტებელი სისტემები, რომლებსაც „ჰამასი“ ღაზაში ისრაელის ძალების წინააღმდეგ იყენებს.

თავდაცვის ძალების ცნობით, ოპერაციის დროს მათმა ჯარებმა აღმოაჩინეს გვირაბი, სადაც „ჰამასის“ რამდენიმე შეიარაღებული წევრი იმალებოდა.

„ჩვენმა ჯარებმა გაანადგურეს გვირაბი დ ტერორისტები“, - აცხადებენ ისრაელის თავდაცვის ძალებში.

მათივე ინფორმაციით, ღაზის ცენტრალურ ნაწილში ნაჰალის ბრიგადამ „ჰამასის“ კიდევ რამდენიმე წევრის ლიკვიდაცია განახორციელა, დაარბია ადგილები, რომელსაც დაჯგუფება იყენებს და იარაღი აღმოაჩინა.

„სამხედრო საინჟინრო ძალებმა ათობით შენობა გაანადგურეს, რომელსაც „ჰამასი“ იყენებდა“, - აცხადებენ ისრაელის თავდაცვის ძალებში.

მათივე ინფორმაციით, ისრაელელმა ჯარისკაცებმა ღაზის სამხრეთ ნაწილში მდებარე ქალაქ ხან იუნისში „ჰამასის“ რამდენიმე მებრძოლი დაატყვევეს, რომლებიც ტერიტორიის დატოვებას მშვიდობიანი მოსახლეობის ევაკუაციის საფარქვეშ ცდილობდნენ. ისრაელელმა სამხედროებმა ხან იუნისში „ჰამასის“ რამდენიმე შეიარაღებული პირის ლიკვიდაციაც განახორციელეს.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია