ჩვენი ათასობით თანამოქალაქე დგას რიგში, რომ ხელი მოაწეროს პრეზიდენტ მიხეილ სააკაშვილის თავისუფლებას. სალომე ზურაბიშვილმა უნდა მიიღოს გადაწყვეტილება და უნდა გაათავისუფლოს პრეზიდენტი სააკაშვილი. დარწმუნებული ვარ, ქართველი ხალხი გაიმარჯვებს გაჭირვებასა და ივანიშვილზე. პრეზიდენტი სააკაშვილი იქნება თავისუფალი,- ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

მისივე თქმით, საბოლოო ჯამში ქართველი ხალხი გაიმარჯვებს გაჭირვებასა და ივანიშვილზე.

„ათასობით ჩვენი თანამოქალაქე ითხოვს პრეზიდენტ სააკაშვილის თავისუფლებას. ჩვენი ქვეყნის ევროპული განვითარებისთვის უმნიშვნელოვანესია უზრუნველყოფილი იყოს საარჩევნოდ მინიმალურად ობიექტური გარემო, სამართლიანი, რაც ნიშნავს იმას, რომ მთავარი ოპოზიციონერი ლიდერი უნდა იყოს თავისუფალი.

იმისთვის, რომ პრეზიდენტი სააკაშვილი თავისუფალი იყოს, იმისთვის, რომ სალომე ზურაბიშვილმა კონკრეტული გადაწყვეტილება მიიღოს, ვაგროვებთ ასი ათასზე უფრო მეტ ხელმოწერას. ხედავთ, რომ ფაქტობრივად რიგები დგას, სადაც ადამიანები ხელს აწერენ მიხეილ სააკაშვილის თავისუფლებას. დარწმუნებული ვარ, საბოლოო ჯამში ქართველი ხალხი გაიმარჯვებს გაჭირვებაზე, ივანიშვილზე და პრეზიდენტ სააკაშვილი იქნება თავისუფალი,“ - განაცხადა ლევან ხაბეიშვილმა, რომლის კომენტარსაც პარტიის პრესსამსახური ავრცელებს.