მოსკოვის სასამართლომ უკრაინაში მებრძოლი „ქართული ლეგიონის“ მეთაურს, მამუკა მამულაშვილს დაუსწრებლად 2-თვიანი პატიმრობა შეუფარდა. ამის შესახებ ინფორმაციას რუსული სახელმწიფო საინფორმაციო სააგენტო TASS-ი ავრცელებს.

„მოსკოვის ბასმანის რაიონული სასამართლოს გადაწყვეტილებით, საქართველოს მოქალაქეს, მამუკა მამულაშვილს, რუსეთის ტერიტორიაზე ექსტრადიციის ან რუსეთის ტერიტორიაზე დაკავების მომენტიდან, აღკვეთის ღონისძიების სახით 2 თვიანი პატიმრობა შეეფარდა. მამულაშვილზე ფედერალური და საერთაშორისო ძებნა გამოცხადდა“, - წერს TASS-ი.

რუსული სახელმწიფო საინფორმაციო სააგენტოს ცნობით, მამულაშვილს ბრალად „დაქირავებული საქმიანობა“ ედება.