ახლო მომავალში MMT HOSPITAL-ში უროლოგიური მიმართულების გარდა, სხვადასხვა ქირურგიული თუ გინეკოლოგიური ოპერაცია განხორციელდება.

ამის შესახებ ინფორმაციას რობოტული ქირურგიის ცენტრი MMT HOSPITAL-ი ავრცელებს.

მათივე ცნობით, MMT HOSPITAL-ში რობოტ ასისტირებადი ოპერაციები 26 თებერვლიდან ხორციელდება.

„26 -28 თებერვალს უკვე წარმატებით ჩატარდა ოპერაციები პროსტატის კიბოს გამო - რობოტ ასისტირებული ლაპაროსკოპიული პროსტატექტომია.

პროფესორი გურამ ქარაზანაშვილი უზრუნველყოფს, რომ ეს ტექნოლოგია ხელმისაწვდომი იყოს საქართველოს ყველა პროფესიონალი ქირურგისთვის, შესაბამისად ახლო მომავალში გარდა უროლოგიური მიმართულებისა MMT HOSPITAL -ში განხორციელდება სხვადასხვა ქირურგიული თუ გინეკოლოგიური ოპერაცია“, - აღნიშნულია ინფორმაციაში.