უკრაინის საჰაერო ძალებმა რუსული „სუ-34“ ჩამოაგდეს, - ამის შესახებ ინფორმაციას უკრაინის საჰაერო ძალების მეთაური, ნიკოლაი ოლეშჩუკი ავრცელებს.

ნიკოლაი ოლეშჩუკის ცნობით, დღეს დილით, უკრაინის საჰაერო ძალებმა აღმოსავლეთის მიმართულებით კიდევ ერთი რუსული „სუ-34“ ტიპის მოიერიშე-ბომბდამშენი ჩამოაგდეს.

„დღეს 29 თებერვალია, თარიღი, რომელიც ოთხ წელიწადში ერთხელ მოდის, მაგრამ კიდევ ერთი თვითმფრინავის დაკარგვით რუსებისთვის ნაცნობი დღეა. მინუს ერთი „სუ-34“ აღმოსავლეთის მიმართულებით!“, - აცხადებს ნიკოლაი ოლეშჩუკი.

ცნობისთვის, უკანასკნელი სამი დღის განმავლობაში უკრაინელებმა 3, ხოლო ბოლო თვის განმავლობაში 11 რუსული თვითმფრინავი ჩამოაგდეს.