ბაკურიანში თოვლის ფრენბურთში ევროპის ჩემპიონატი მიმდინარეობს
თოვლის ფრენბურთის ევროპის ჩემპიონატმა სტარტი ბაკურიანში 1 მარტს აიღო.
ორგანიზატორების ინფორმაციით, ევროპის სხვადასხვა ქვეყნიდან უცხოელ სპორტსმენებს საქართველოს ფრენბურთის ეროვნული ფედერაცია მასპინძლობს.
„აღსანიშნავია, რომ თოვლის ფრენბურთში პირველად იმართება ევროპის ჩემპიონატი, საქართველომ კი ღირსეულად მიიღო მასპინძლობის უფლება. 3 მარტის ჩათვლით ჩემპიონატში მონაწილეობას იღებს იტალიის, პოლონეთის, თურქეთის, ჩეხეთის, ბულგარეთის, რუმინეთის, მოლდოვასა და სომხეთის წარმომადგენელი როგორც ქალი, ისე მამაკაცი სპორტსმენები. მათთან ერთად პირველობისთვის ასპარეზობენ ქართველი ფრენბურთელებიც”, - ნათქვამია ინფორმაციაში.
ჩემპიონატის მე-2 დღეს ნახევარფინალისტების ვინაობა ცნობილი გახდა. ნახევარფინალში ერთმანეთს დაუპირისპირდებიან:
გოგონათა გუნდები:
ჩეხეთი - თურქეთი
იტალია-პოლონეთი
ვაჟთა გუნდები:
ჩეხეთი - თურქეთი
პოლონეთი - ბულგარეთი
გამარჯვებულების ვინაობა 3 მარტს გახდება ცნობილი.
v-if="article.gallery" v-html="article.gallery"
