თოვლის ფრენბურთის პირველი ევროპის ჩემპიონატი 20 წლამდე გოგონებსა და ვაჟებში დასრულდა.

ადგილები შემდეგნაირად გადანაწილდა:

გოგონებში I ადგილი - ჩეხეთმა მოიპოვა, II ადგილი - პოლონეთმა, III ადგილი - თურქეთმა.

ვაჟებში კი I ადგილზე პოლონეთი გავიდა, II ადგილი - ჩეხეთმა დაიკავა, III ადგილი - თურქეთმა.

თოვლის ფრენბურთის ევროპის ჩემპიონატმა სტარტი ბაკურიანში 1 -ელ მარტს აიღო. ევროპის სხვადასხვა ქვეყნიდან უცხოელ სპორტსმენებს საქართველოს ფრენბურთის ეროვნულმა ფედერაციამ უმასპინძლა. "აღსანიშნავია, რომ თოვლის ფრენბურთში პირველად გაიმართა ევროპის ჩემპიონატი, საქართველომ კი ღირსეულად მიიღო მასპინძლობის უფლება. ჩემპიონატში მონაწილეობა მიიღო იტალიის, პოლონეთის, თურქეთის, ჩეხეთის, ბულგარეთის, რუმინეთის,მოლდოვასა და სომხეთის სპორტსმენებმა. შეჯიბრება ჩატარდა, როგორც ქალებში, ისე ვაჟებში. მათთან ერთად პირველობისთვის იასპარეზეს ქართველმა ფრენბურთელებმაც"- აღნიშნულია ორგანიზატორების ინფორმაციაში.

მათივე ცნობით, ევროპის ჩემპიონატს დაესწრნენ საერთაშორისო წარმომადგენლებიც, რომლებმაც დადებითად შეაფასეს საქართველოს ფრენბურთის ეროვნული ფედერაციის მიერ ორგანიზებული ჩემპიონატი.

8-9-10 მარტს კი ბაკურიანი თოვლის ფრენბურთის ევროპის ტურს მასპინძლობს.