ლილე ლიპარტელიანი - ანტიკორუფციული ბიურო რომ დამოუკიდებელი და მიუკერძოებელი იყოს, უნდა იწყებდეს ცესკო-ს თავმჯდომარის ოჯახის დეკლარაციების შესწავლას
ანტიკორუფციული ბიურო რომ დამოუკიდებელი და მიუკერძოებელი იყოს, უნდა იწყებდეს ცესკო-ს თავმჯდომარის, გიორგი კალანდარიშვილის ოჯახის დეკლარაციების შესწავლას, მათ შორის დედამისის შემოსავლებთან დაკავშირებით, რომლებიც არ არის ასახული დეკლარაციაში, - ამის შესახებ თბილისის საკრებულოს ფრაქცია „ერთიანი ნაციონალური მოძრაობის“ დეპუტატმა, ლილე ლიპარტელიანმა განაცხადა.
მისი თქმით, გიორგი კალანდარიშვილი, "რომელიც კაპიტალის მოგროვებაზეა ორიენტირებული, ცხადია, თავის გადაწყვეტილებაში ვერ იქნება დამოუკიდებელი, გამჭვირვალე და მიუკერძოებელი".
„ის ატარებდა და ატარებს ბიძინა ივანიშვილის პარტიის ხაზს, ეს იქნება ვენეციის კომისიის, ცხრა დათქმის რეკომენდაციების შესრულებასთან მიმართებაში, რაც ასევე პირდაპირ კავშირშია ჩვენი ქვეყნის, შვილების უკეთეს მომავალთან, ჩვენს ღირსეულ სიბერესთან, მაღალანაზღაურებად სამუშაოსთან, ეს იქნება ხელმისაწვდომი განათლება თუ ჯანდაცვა, ამ გადაწყვეტილებებში არის გიორგი კალანდარიშვილი. თუმცა, 2024 წლის არჩევნებზე დარწმუნებული ვარ, რომ საქართველოს მოსახლეობის აბსოლუტური უმრავლესობა არჩევანს გააკეთებს ჩვენი ქვეყნის სასარგებლოდ, კოალიციური მთავრობის სასარგებლოდ, რომელიც უსწრაფესად უზრუნველყოფს ევროკავშირში გაწევრიანებასთან დაკავშირებით განსახორციელებელი საჭირო რეფორმების გატარებას. ანტიკორუფციული ბიურო რომ დამოუკიდებელი და მიუკერძოებელი იყოს, უნდა იწყებდეს გიორგი კალანდარიშვილის ოჯახის დეკლარაციების შესწავლას, მათ შორის დედამისის შემოსავლებთან დაკავშირებით, რომლებიც არ არის ასახული დეკლარაციაში, თუმცა „ქართული ოცნება“ ბიძინა ივანიშვილის პარტია აგრძელებს იმ გადაწყვეტილებების მიღებას, რომლებიც საჭიროა მათი ძალაუფლების შენარჩუნებისთვის და არა ჩვენი ქვეყნის უკეთესი მომავლისთვის“, - განაცხადა ლილე ლიპარტელიანმა, რომლის კომენტარს "ნაციონალური მოძრაობა" ავრცელებს.
v-if="article.gallery" v-html="article.gallery"
