უნგრეთის პრემიერ-მინისტრ ვიქტორ ორბანსა და უკრაინის პრეზიდენტ ვოლოდიმირ ზელენსკის შორის შეხვედრა უახლოეს მომავალში არ გაიმართება. შესაბამისი განცხადება უნგრეთის საგარეო საქმეთა მინისტრმა, პიტერ სიიარტომ განაცხადა.

„ამ შეხვედრისთვის გარკვეული წინაპირობებია საჭირო, ხოლო შეხვედრის ორგანიზებისთვის საჭირო პირობები მზად ჯერ კიდევ არ არის“, - განაცხადა პიტერ სიიარტომ.

ცნობისთვის, იანვარში, პიტერ სიიარტომ უკრაინელ კოლეგასთან, დმიტრო კულებასთან შეხვედრის შემდეგ განაცხადა, რომ უნგრეთის პრემიერსა და უკრაინის პრეზიდენტს შორის შეხვედრა მას შემდეგ შედგება, როცა უკრაინა ეროვნულ უმცირესობებთან დაკავშირებით უნგრეთის პირობებს შეასრულებს.