საქართველოს ტურიზმის ეროვნულმა ადმინისტრაციამ არაბთა გაერთიანებულ საამიროებში, აბუ-დაბიში, Meetings Arabia & Luxury Travel (MALT) კონგრესში მიიღო მონაწილეობა. ტურიზმის ეროვნული ადმინისტრაციის ინფორმაციით, სპარსეთის ყურის ქვეყნებში, ერთ-ერთ უდიდეს კონგრესზე, საქართველოს ტურიზმის ეროვნული ადმინისტრაციის საკონვენციო და საგამოფენო ბიურო იყო წარდგენილი.

მათივე ცნობით, Meetings Arabia & Luxury Travel-ის მე-12 შეხვედრას სპარსეთის ყურის ქვეყნებიდან 250-ზე მეტი კომპანიისა და ორგანიზაციის წარმომადგენელი დაესწრო.

„კონგრესის ფარგლებში საკონვენციო ბიუროს წარმომადგენლებმა 30-მდე შეხვედრა გამართეს პოტენციურ დამკვეთებთან და მათ საქართველოს საქმიანი ტურიზმის შესაძლებლობები გააცნეს“, - ნათქვამია ინფორმაციაში.