თურქეთში „მოსადის“ სასარგებლოდ ჯაშუშობის ბრალდებით 7 პირი დააკავეს. ამის შესახებ ინფორმაციას თურქეთის სახელმწიფო საინფორმაციო სააგენტო Anadolu ავრცელებს.

Anadolu-ს ცნობით, დაკავებულებს შორის ერთ-ერთი კერძო დეტექტივია, რომელიც ახლო აღმოსავლეთში მოქმედი კერძო კომპანიებისა და ფიზიკური პირების შესახებ ინფორმაციას აგროვებდა და ისრაელის სადაზვერვო სამსახურს აწვდიდა.

ჩატარებული სპეცოპერაციის შესახებ ანკარას ოფიციალური კომენტარი ჯერჯერობით არ გაუკეთებია.