საქართველოს პარლამენტის წევრმა და შავი ზღვის ეკონომიკური თანამშრომლობის საპარლამენტო ასამბლეის ვიცე-პრეზიდენტმა, რამაზ ნიკოლაიშვილმა ჩრდილოეთ მაკედონიის დედაქალაქ სკოპიეში, ასამბლეის კულტურის განათლებისა და სოციალურ საკითხთა კომიტეტის სხდომაში მონაწილეობა მიიღო. ამის შესახებ ინფორმაციას საქართველოს პარლამენტის პრესსამსახური ავრცელებს.

მათივე ცნობით, კომიტეტის განხილვის მთავარი თემა „ადამიანური კაპიტალის გაძლიერება, შავი ზღვის რეგიონში მშვიდობისა და კეთილდღეობის ხელშეწყობისათვის" იყო.

„სხდომის ფარგლებში კომიტეტმა შესაბამისი რეკომენდაციისა და მოხსნების პროექტები განიხილა, რომელთაც მიმდინარე წლის მაისში, ალბანეთის დედაქალაქ ტირანაში, გენერალური ასამბლეის სხდომაზე ოფიციალურად მიიღებენ“ , - ნათქვამია ინფორმაციაში.