ვენესუელაში საპრეზიდენტო არჩევნები 28 ივლისს გაიმართება, - ამის შესახებ ინფორმაციას ვენესუელის ეროვნული საარჩევნო საბჭოს პრეზიდენტი, ელვის ამოროსო ავრცელებს.

„საარჩევნო საბჭომ თარიღთან დაკავშირებით სხვადასხვა წინადადება შეაფასა, რომელიც ყველა კონსტიტუციურ, საკანონმდებლო და ტექნიკურ მოთხოვნას ითვალისწინებს“, - განაცხადა ვენესუელის ეროვნული საარჩევნო საბჭოს პრეზიდენტმა.

მოსალოდნელია, რომ ქვეყნის მოქმედი პრეზიდენტი, ნიკოლას მადურო კენჭს ხელახლა იყრის, ხოლო ოპოზიციური კანდიდატების არჩევნებში მონაწილეობა კითხვის ნიშნის ქვეშ დგას.

ცნობისთვის, იანვარში, ვენესუელის უზენაესმა სასამართლომ ოპოზიციის საპრეზიდენტო კანდიდატს, მარია კორინა მაჩადოს არჩევნებში მონაწილეობა აუკრძალა.