ვლადიმერ პუტინთან ზაპოროჟიეს ატომური ელექტროსადგურის საკითხი განვიხილე, - ამის შესახებ განცხადებას ატომური ენერგიის საერთაშორისო სააგენტოს გენერალური დირექტორი, რაფაელ გროსი ავრცელებს.

„სოჭში, რუსეთის პრეზიდენტთან, ვლადიმერ პუტინთან ზაპოროჟიეს ატომური ელექტროსადგურის უსაფრთხოების საკითხისა და ბირთვული იარაღის გაუვრცელებლობის გლობალური გამოწვევების შესახებ აზრთა მნიშვნელოვან გაცვლას ჰქონდა ადგილი“, - წერს რაფაელ გროსი X-ზე.

კრემლის ცნობით, ვლადიმერ პუტინმა რაფაელ გროსისთან შეხვედრისას განაცხადა, რომ მოსკოვი ბირთვულ ენერგიასთან დაკავშირებული საკითხების შესახებ თანამშრომლობისთვის მზად არის.

ცნობისთვის, რაფაელ გროსი ვლადიმერ პუტინსა და „როსატომის“ ხელმძღვანელს, ალექსეი ლიხაჩევს გუშინ შეხვდა.