მალაიზიის პრემიერი - ჩინეთის შეკავების მცდელობები მის უკმაყოფილებას კიდევ უფრო გაამძაფრებს
ჩინეთის შეკავების მცდელობები მის უკმაყოფილებას კიდევ უფრო გაამძაფრებს, - ამის შესახებ მალაიზიის პრემიერ-მინისტრმა, ანვარ იბრაჰიმმა განაცხადა.
„მათ თვალში, საწინააღმდეგო ქმედებები, რომელიც ჩინეთის სამხედრო, ეკონომიკურ და ტექნოლოგიურ აღზევებას უკავშირდება, სხვა არაფერია, თუ არა ისტორიაში მათი ლეგიტიმური ადგილის უარყოფის მცდელობა“, - განაცხადა ანვარ იბრაჰიმმა.
მალაიზიის პრემიერ-მინისტრმა აღნიშნა, რომ ქვეყნებმა თავი ჩინეთის პოზიციაში უნდა წარმოიდგინონ და გააცნობიერონ ის, თუ როგორ ხედავენ მისი ლიდერები სამხედრო გაძლიერებასა და დიპლომატიური გავლენის ზრდას.
„ჩინეთის ეკონომიკური და ტექნოლოგიური განვითარების წინააღმდეგ შექმნილი დაბრკოლებები მის უკმაყოფილებას კიდევ უფრო გაამძაფრებს“, - აღნიშნა მალაიზიის პრემიერ-მინისტრმა.
