გორის მუნიციპალიტეტის მერმა, ვლადიმერ ხინჩეგაშვილმა სოფლებში ინფრასტრუქტურული სამუშაოები დაათვალიერა და მიმდინარე პროექტებს ადგილზე გაეცნო.

ინფორმაციას გორის მუნიციპალიტეტის მერია ავრცელებს.

მათივე ცნობით, გორის მუნიციპალიტეტის მერი არაშენდაში, ფხვენისში, საქაშეთის დევნილთა დასახლებაში, ქიწნისის მეურნეობაში, ბროწლეთსა და ტყვიავში იმყოფებოდა.

„რეგიონებში განსახორციელებელი პროექტების ფონდისა და გორის მერიის ადგილობრივი ბიუჯეტის დაფინანსებით, სოფლებში როგორც სოფლამდე მისასვლელი გზების, ასევე შიდა გზების რეაბილიტაცია მიმდინარეობს. სამუშაოების ფარგლებში მოწესრიგდება როგორც გზის სავალი ნაწილი, ასევე საჭიროების შემთხვევაში სანიაღვრე არხებიც მოეწყობა“, - აღნიშნულია ინფორმაციაში.