ბორჯომის მუნიციპალიტეტის გენდერული თანასწორობის საბჭოს ინიციატივით, ბორჯომში მცხოვრებ საპატიო მოქალაქე ქალბატონებს 8 მარტი მიულოცეს.
ამის შესახებ ინფორმაციას ბორჯომის მუნიციპალიტეტის მერია ავრცელებს.
მათვე ცნობით, ბორჯომში მცხოვრებ საპატიო მოქალაქე ქალბატონებს 8 მარტი - ქალთა საერთაშორისო დღე, ბორჯომის მუნიციპალიტეტის მერმა ოთარ არბოლიშვილმა, საკრებულოს თავმჯდომარემ დავით ზაალიშვილმა, მერის მოადგილემ გიორგი ტაბატაძემ, ფრაქცია „ქართული ოცნება - დემოკრატიული საქართველოს“ თავმჯდომარემ ლევან თედიაშვილმა და გენდერული თანასწორობის საბჭოს წევრებმა მიულოცეს.
მათ ბორჯომელ საპატიო მოქალაქეებს გაწეული ღვაწლისათვის მადლობა გადაუხადეს, სიმბოლური საჩუქრები და „მეგატექნიკის“ ვაუჩერები გადასცეს.
