უკრაინა ჯარების გაგზავნას არ გვთხოვს, - ამის შესახებ საფრანგეთის საგარეო საქმეთა მინისტრმა, სტეფან სეჟურნემ განაცხადა.

„უკრაინა ჯარების გაგზავნას არ გვთხოვს. ახლა უკრაინა საბრძოლო მასალას ითხოვს. უახლოეს თვეებში ჩვენ არაფერს გამოვრიცხავთ“, - განაცხადა საფრანგეთის საგარეო საქმეთა მინისტრმა.

სტეფან სეჟურნემ აღნიშნა, რომ უახლოეს თვეებში ან წლებში დასავლელი მოკავშირეების მიერ უკრაინის დახმარების პროცესი რუსეთის კარნახით არ უნდა წარიმართოს.

„ორგანიზება იმისა, თუ როგორ უნდა ვიმოქმედოთ ან წითელი ხაზები სად გავავლოთ რუსეთის მიერ არ უნდა მოხდეს. ეს ჩვენ შორის უნდა გადავწყვიტოთ“, - აღნიშნა სეჟურნემ.

ცნობისთვის, გუშინ, საფრანგეთის პრეზიდენტმა, ემანუელ მაკრონმა უკრაინაში დასავლეთის სახელმწიფოების ჯარების შესაძლო გაგზავნის შესახებ კომენტარი კიდევ ერთხელ გააკეთა და აღნიშნა, რომ რაღაცის არ გამორიცხვა მის გაკეთებას არ ნიშნავს.