იაგო ხვიჩია გვარამია-მელიაზე - ცალკე აღებული, მგონი, მარტო ეს ორი ადამიანი არ იქნება საკმარისი არსებული გამოწვევების დასაძლევად და მოუწევთ, სხვა „ნაცური“ პარტიების შემოერთება
ჩემი აზრით, ეს ერთობა [გვარამია-მელია] არის პლატფორმა მიშასთან სავაჭროდ საარჩევნო სიაში ეფექტურად და ხვავიანად ჩასასმელად - სხვა "ნაცური" პარტიების შეერთება მოუწევთ, - ამის შესახებ “გირჩის” ლიდერმა იაგო ხვიჩიამ ჟურნალისტებს განუცხადა, რითაც შეაფასა ნიკა გვარამიასა და ნიკა მელიას პოლიტიკური გუნდებს შორის დღეს დაგეგმილი შემაჯამებელი შეხვედრა.
როგორც ხვიჩიამ აღნიშნა, ეს ორი გუნდი უნდა გაძლიერდეს, რათა არჩევნებზე ხმები არ დაიკარგოს.
„ცალკე აღებული, მგონი, მარტო ეს ორი ადამიანი არ იქნება საკმარისი არსებული გამოწვევების დასაძლევად და მოუწევთ, სხვა "ნაცური" პარტიების შემოერთება. ეს გაერთიანება არასაკმარისია იმისთვის, რომ ბარიერი გადალახოს, ამიტომ ჩემი აზრით, ის უნდა გაძლიერდეს, რომ ხმები არ დაიკარგოს - გაძლიერდეს "ნაცებთან" შესვლით, ან სხვა პოლიტიკური მოთამაშეების დამატებით”,- განაცხადა იაგო ხვიჩიამ.
"ერთიანი ნაციონალური მოძრაობის" ყოფილი თავმჯდომარის ნიკა მელიასა და "მთავარი არხის" დამფუძნებლის, ნიკა გვარამიას პოლიტიკური გუნდების შემაჯამებელი შეხვედრა დღეს გაიმართება.
პრესსამსახურის ინფორმაციით, შეხვედრაზე გამოცხადდება საბოლოო გადაწყვეტილება.
