აშშ-სა და იაპონიის ლიდერები, ჯო ბაიდენი და ფუმიო კიშიდა 10 აპრილს ვაშინგტონში შეხვედრას გამართავენ და უკრაინაში მეტი იარაღის გაგზავნის მიზნით, თავდაცვის აღჭურვილობის ერთობლივი წარმოების სისტემის გაძლიერების საკითხს განიხილავენ, - ინფორმაციას Kyiv Independent-ი იაპონურ მედიაზე დაყრდნობით ავრცელებს.

მათივე ინფორმაციით, სამიტის მთავარი თემა ორ ქვეყანას შორის თავდაცვის ინდუსტრიაში თანამშრომლობის გაძლიერება იქნება.

აშშ-ის თავდაცვის ინდუსტრია ცდილობს აწარმოოს საკმარისი საარტილერიო ჭურვები და საჰაერო თავდაცვის სისტემები, რათა დაეხმაროს უკრაინას რუსეთის სრულმასშტაბიანი შეჭრის წინააღმდეგ ბრძოლაში. იაპონიამ უკვე დაიწყო ამერიკული მარაგების აღდგენის ხელშეწყობა იარაღის გადაცემის გზით, რის საშუალებასაც მას კანონებში ბოლო დროს შეტანილი ცვლილებები აძლევს.

იაპონია დეკემბერში დათანხმდა შეერთებულ შტატებში Patriot-ის მიწა-ჰაერი კლასის რაკეტების გაგზავნას, რაც ვაშინგტონს საშუალებას მისცემს განაგრძოს კიევისთვის გადამწყვეტად საჭირო საჰაერო თავდაცვის სისტემების მიწოდება.